Kanz al-Ummal: Hadith 40240

٤٠٢٢٧۔۔۔ حضرت عروہ سے روایت ہے کہ رسول اللہ (صلی اللہ علیہ وآلہ وسلم) نے ابوجہم کو حنین کی غنیمتوں کا نگراں بناکر بھیجا، ادھرابوجہم کو یہ اطلاع ملی کہ مالک بن برصاء یاحارث بن برصاء نے غنیمت میں خیانت کی ہے تو ابوجہم نے انھیں مار کر زخمی کردیاجس سے ان کی ہڈی ٹل گئی وہ شخص نبی (صلی اللہ علیہ وآلہ وسلم) کے پاس آئے، اور آپ سے بدلہ کا سوال کرنے لگے، تو نبی (صلی اللہ علیہ وآلہ وسلم) نے فرمایا : اس نے تمہیں کسی گناہ پر مارا ہے جو تم نے کیا ہے تمہارے لیے کوئی بدلہ نہیں، البتہ تمہارے لیے سو بکریاں ہیں، لیکن وہ راضی نہ ہوئے تو آپ (صلی اللہ علیہ وآلہ وسلم) نے فرمایا : تمہارے لیے دو سو بکریاں ہیں، پھر بھی وہ راضی نہیں ہوئے تو آپ نے فرمایا : تمہارے لیے تین سو بکریاں ہیں لیکن میں اس میں اضافہ نہیں کروں گا چنانچہ وہ شخص راضی ہوگیا۔ رواہ عبدالرزاق