Kanz al-Ummal: Hadith 40279

٤٠٢٦٦۔۔۔ انہی سے روایت ہے کہ میں نبی (صلی اللہ علیہ وآلہ وسلم) کے پاس آیا اور آپ اس وقت سو رہے تھے یا آپ پر وحی نازل ہورہی تھی، کہ گھر کے کونے میں ایک سانپ نظر پڑا مجھے اچھا نہ لگا کہ اسے ماروں اور آپ کو بیدار کروں، چنانچہ میں آپ کے اور سانپ کے درمیان سوگیا، پس ایک چیز تھی جو مرے ساتھ تھی اور آپ سے ورے تھی، پھر آپ بیدار ہوگئے اور آپ یہ آیت تلاوت فرما رہے تھے، تمہارا دوست تو اللہ تعالیٰ اور اس کا رسول اور وہ ایمان والے ہیں جو نماز قائم کرتے ہیں، آیت، پھر آپ نے فرمایا : الحمدللہ، مجھے اپنے پاس دیکھ کر فرمایا : یہاں کس وجہ سے لیٹے ہو ؟ میں نے عرض کیا : اس سانپ کی وجہ سے، آپ نے فرمایا : اٹھو اور اسے مارڈالو، چنانچہ میں فورا اٹھا اور اسے مارڈالا، پھر آپ نے مراہاتھ پکڑا اور فرمایا : ابورافع ! مرے بعد ایک قوم ہوگی جو علی (رض) سے جنگ کرے گی، اللہ تعالیٰ پر ان کا جہاد ضروری ہے، (یعنی اللہ تعالیٰ کی خاطران سے لڑنا ضروری ہے) پس جو کوئی اپنے ہاتھ سے ان کے ساتھ جہاد نہ کرسکے وہ اپنی زبان سے کرے اور جو اپنی زبان سے نہ کرسکے وہ اپنے دل سے براجانے، اس کے بعد کوئی درجہ نہیں۔ طبرانی وابن مردویہ، ابونعیم اس روایت میں علی بن ہاشم بن ابرید ایک شخص ہے جس کی روایتیں منقول تو ہیں لیکن وہ غالی شیعہ تھا اور اس کی منکر روایات ہیں۔