Kanz al-Ummal: Hadith 40429

٤٠٤١٦۔۔۔ مسنداسامہ عمیرہم میں ایک شخص تھا جس کا نام حمل بن مالک تھا جس کی دوبیویاں تھیں، ایک کا تعلق قبیلہ ھذیل سے تھا اور دوسری قبیلہ عامری سے تھی توہذیلیہ نے عامریہ کے پیٹ پر خیمہ یاکیمپ کا کھونٹا ماراجس سے اس کے پیٹ کا بچہ مردہ حالت میں پڑاتومارنے والی کے ساتھ اس کا بھائی اسے لے کر جس کا نام عمران بن عویمر تھا نبی (صلی اللہ علیہ وآلہ وسلم) کے پاس آیا، جب نبی (صلی اللہ علیہ وآلہ وسلم) کے سامنے ساراقصہ بیان کیا آپ نے فرمایا : اس بچہ کی دیت دو ، تو عمران نے کہا : یارسول اللہ ! کیا ہم اس کی دیت دیں جس نے نہ کھایانہ پیانہ چیخاپس پیدا ہوا اس جیسارائیگاں جاتا ہے تو نبی (صلی اللہ علیہ وآلہ وسلم) نے فرمایا : رہنے دو مجھے دیہاتیوں کے اشعاروالی گفتگونہ سناؤ اس میں ایک غلام یا لونڈی یاپانچ سویا ایک کھوڑایا ایک سوبیس بکریاں (قابل ادا) ہیں۔ تو وہ کہنے لگا : یا نبی اللہ ! اس کے دوبیٹے ہیں جو قبیلہ کے سردار ہیں وہ اپنی ماں کی دیت دینے کے زیادہ حق دار ہیں، آپ (صلی اللہ علیہ وآلہ وسلم) نے فرمایا : تم اپنی بہن کی دیت دینے کے اس کے دونوں بیٹوں سے زیادہ حقدار ہو تو وہ بولا : مجھے اس میں دیت دینے کی کوئی چیز نہیں ملتی تو آپ نے فرمایا : حمل بن مالک ! وہ اس وقت ھذیل کی زکوۃ لینے پر مامور تھے وہی دونوں عورتوں کے خاوند اور مقتول بچہ کے باپ تھے، ھذیل کی زکوۃ سے اپنے ہاتھ میں ایک سوبیس ١٢٠ بکریاں کرلینا۔ چنانچہ انھوں نے ایسا ہی کیا۔ رواہ الطبرانی