Kanz al-Ummal: Hadith 4053

4053: ابی بن کعب (رض) سے مروی ہے رسول اللہ (صلی اللہ علیہ وآلہ وسلم) نے فرمایا : کیا میں تجھے ایسی سورت نہ سکھاؤں جو توراۃ میں نہ انجیل میں، نہ زبور میں اور نہ ہی قرآن میں نازل کی گئی ؟ میں نے عرض کیا : ضرور ! فرمایا میری خواہش ہے کہ تم اس (سامنے غالبا مسجد نبوی کے) دروازے سے نہ نکلو حتی کہ وہ سورت سیکھ لو۔ پھر نبی (صلی اللہ علیہ وآلہ وسلم) کھڑے ہوگئے اور میں بھی آپ (صلی اللہ علیہ وآلہ وسلم) کے ساتھ کھڑا ہوگیا اور آپ (صلی اللہ علیہ وآلہ وسلم) مجھ سے بات کرتے رہے جبکہ میرا ہاتھ آپ کے دس مبارک میں تھا۔ میں جان بوجھ کر آہستہ آہستہ چل رہا تھا کہ کہیں آپ مجھے وہ سورت بتانے سے پہلے دروازے سے نکل نہ جائیں۔ جب میں دروازے کے قریب پہنچ گیا تو میں نے عرض کیا : یا رسول اللہ ! وہ سورت جس کا آپ نے مجھ سے وعدہ کیا تھا ؟ آپ (رض) نے فرمایا : جب تم نماز کے لیے کھڑے ہوتے ہو تو کیا پڑھتے ہو ؟ میں نے سورة فاتحہ پڑھ کر سنا دی۔ آپ (صلی اللہ علیہ وآلہ وسلم) نے فرمایا : ولقد اتینا سبعا من المثانی والقران العظیم۔ اور ہم نے آپ کو سات بار بار پڑھنے والی آیات اور قرآن عظیم عطا کیا۔ یہ مجھے ہی عطا کی گئی۔ (بخاری و مسلم فی کتاب وجوب القرآن فی الصلاۃ)