Kanz al-Ummal: Hadith 40581

٤٠٥٦٨۔۔۔ شعبی سے روایت ہے فرمایا : ایک عورت حضرت عمر (رض) کے پاس آئی اور کہا : امیر المومنین مجھے ایک بچہ اور ایک کتان کا کپزاملا ہے جس میں سو دینار ہیں۔ میں نے وہ بچہ اٹھا لیا اور اس کے لیے ایک دائی اجرت پرلے لی ہے جب کہ چار عورتیں آکر اس بچہ کو چومتی ہیں مجھے معلوم نہیں ان میں سے اس کی ماں کون ہے ؟ تو آپ نے اس سے فرمایا : جب وہ اس کے پاس آئیں تو مجھے بتانا اس نے ایسا ہی کیا آپ نے ان میں سے ایک عورت سے فرمایا : تم میں سے اس بچہ کی ماں کون ہے ؟ تو اس عورت نے کہا : عمر ! تم نے اچھا اور بہترکام نہیں کیا، ایک عورت جس پر اللہ تعالیٰ نے پردہ ڈال رکھا ہے آپ اسے رسوا کرنا چاہتے ہیں، آپ نے فرمایا : تم سچ کہتی ہو پھر اس عورت سے کہا : اب جب وہ تمہارے پاس آئیں تو ان سے کچھ نہ پوچھنا اور ان کے بچہ سے اچھا سلوک کرتی رہنا پھر آپ واپس چلے گئے۔ بیہقی فی شعیب الایمان