Kanz al-Ummal: Hadith 40606

٤٠٥٩٣۔۔۔ قاسم بن محمد سے وہ حضرت ابن عباس (رض) سے روایت کرتے ہیں کہ ایک شخص نبی (صلی اللہ علیہ وآلہ وسلم) کے پاس آکر کہنے لگا : تابیرنخل کے زمانہ سے میری نئی نئی شادی ہوئی تو میں نے اپنی بیوی کے ساتھ ایک شخص پایا اور اس عورت کا خاوند پیلے رنگ پتلی پندڈلیوں اور سیدھے بالوں والا تھا۔اور جس کے ساتھ اس کی تہمت لگی تھی وہ موٹی پنڈلیوں والا سیاہ فام گھنگریالے بالوں والا اور بڑے سرین والا تھا تو نبی (صلی اللہ علیہ وآلہ وسلم) نے فرمایا : اے اللہ ! معاملہ واضح فرماپھران کے درمیان لعان ہوا اور اس عورت نے ایسا بچہ جنم دیاجیسی اس پر تہمت لگی تھی ابن شداد بن الھادی نے ابن عباس (رض) سے پوچھا : کیا یہ وہی عورت تھی جس کے بارے میں نبی (صلی اللہ علیہ وآلہ وسلم) نے فرمایا : اگر میں کسی کو بغیر گواہوں کے رجم کرتا تو اس عورت کو سنگسار کرتا۔ تو حضرت ابن عباس نے فرمایا : نہیں وہ عورت اسلام میں مشہور تھی۔ رواہ عبدالرزاق