Kanz al-Ummal: Hadith 4070

4070: (سورة المومنون) (مسند عمر (رض)) حضرت عمر (رض) فرماتے ہیں جب حضور (صلی اللہ علیہ وآلہ وسلم) پر وحی نازل ہوئی تو آپ کے چہرے کے قریب شہد کی مکھیوں کی بھنبھناہٹ کی مانند آواز سنائی دیتی۔ (اسی طرح ایک مرتبہ) ہم کچھ دیر ٹھہرے آپ (صلی اللہ علیہ وآلہ وسلم) قبلہ رو ہوئے اور اپنے ہاتھ اٹھائے اور دعا کی :
اللہم زدنا ولا تنقصنا واکرمنا ولا تھنا واعطنا ولا تحرمنا واثرنا ولا توثر علینا وارض عنا وارضنا۔
اے اللہ ہم میں زیادتی فرما، کمی نہ فرما، ہمارا اکرام فرما، ہمیں توہین کے حوالہ نہ کرے، ہمیں عطا کر، محروم نہ کر، ہمیں ترجیح دے، ہم پر کسی کو ترجیح نہ دے، ہم سے راضی ہوجا اور ہمیں بھی راضی کردے۔
پھر آپ (صلی اللہ علیہ وآلہ وسلم) نے ہماری طرف متوجہ ہو کر فرمایا : مجھ پر دس آیات نازل ہوئی ہیں۔ جس نے ان پر عمل کیا وہ جنت میں داخل ہوگا۔ پھر آپ (صلی اللہ علیہ وآلہ وسلم) نے قد افلح المومنون پڑھنا شروع کی حتی کہ دس آیات ختم فرما دیں۔ عبد بن حمید، عبدالرزاق، مسند احمد، ترمذی، نسائی۔
امام نسائی فرماتے ہیں یہ روایت منکر ہے۔ (ابن المنذر بالعقیلی فی الضعفاء مستدرک الحاکم، البیہقی فی الدلائل، ابن مردویہ، السنن لسعید بن منصور) ۔