Kanz al-Ummal: Hadith 4121

4121: ابی بن کعب (رض) اور آل حکم بن ابی العاص میں سے ایک شخص سے مروی ہے کہ نبی کریم (صلی اللہ علیہ وآلہ وسلم) نے لوگوں کو نماز پڑھائی اور ایک سورت تلاوت فرمائی جس میں ایک آیت آپ بھول گئے۔ پھر پوچھا کیا مجھ سے کچھ چھوٹ گیا ؟ لیکن لوگ خاموش رہے۔ آپ (صلی اللہ علیہ وآلہ وسلم) نے فرمایا : کیا حال ہے لوگوں کا ان پر اللہ کی کتاب پڑھی جاتی ہے لیکن ان کو پتہ نہیں چلتا کہ ان پر کیا پڑھا گیا ہے ؟ اور کیا چھوڑا گیا ہے ؟ بنی اسرائیل کا بھی یہی حال تھا۔ اللہ کی خشیت ان کے دلوں سے نکل گئی تھی۔ ان کے دل غائب ہوگئے تھے اور خالی جسم حاضر رہتے تھے۔ آگاہ رہو اللہ عزوجل کسی بندے کا کوئی عمل قبول نہیں فرماتے جب تک وہ جسم کے ساتھ دل کو بھی حاضر نہ رکھے۔ رواہ الدیلمی)