Kanz al-Ummal: Hadith 4125

4125: (جابر بن عبداللہ بن رناب السلمی (رض)) کلبی، عن ابی صالح عن ابن عباس (رض) کی سند کے ساتھ حضرت جابر (رض) سے مروی ہے کہ ایک مرتبہ حضور اکرم نبی کریم (صلی اللہ علیہ وآلہ وسلم) نے یہ آیت پڑھی واذا سالک عبادی عنی فانی قریب۔ اور جب تجھ سے میرے بندے میرے بارے میں سوال کریں تو (کہہ دیجیے کہ) میں قریب ہوں۔ اور پکار والے کی پکار کا جواب دیتا ہوں۔ پھر آپ (صلی اللہ علیہ وآلہ وسلم) نے فرمایا : اے اللہ ! تو نے ہم کو دعا کرنے کا حکم دیا ہے اور قبولیت کی ذمہ داری خود کی ہے۔ پس ہم حاضر ہیں، اے اللہ ! ہم حاضر ہیں، تیرا کوئی شریک نہیں، ہم حاضر ہیں، بیشک تمام تعریفیں تیرے لیے ہیں اور تمام نعمتوں کا مالک تو ہے، ساری سلطنت تیری ہے۔ تیرا کوئی شریک نہیں۔ ہم حاضر ہیں۔ اے پروردگار ! میں گواہی دیتا ہوں تو اکیلا رب ہے، بےنیاز ہے جس نے نہ کسی کو جنم دیا اور نہ ہی اس کا کوئی ثانی ہے۔ میں گواہی دیتا ہوں کہ تیرا وعدہ سچا ہے، تیری ملاقات حق ہے، جنت حق ہے، جہنم حق ہے، قیامت آنے والی ہے، جس میں کوئی شائبہ نہیں اور بیشک تو قبروں میں پڑے مردوں کو ضرور جی اٹھائے گا۔ سلمان (رض)۔