Kanz al-Ummal: Hadith 4149

4149: (مسند صدیق (رض)) حضرت ابی ملیکہ (رض) سے مروی ہے کہ حضرت ابوبکر (رح) سے سوال کیا گیا حروف قرآن کی تفسیر کیا ہے ؟ آپ (رض) نے ارشاد فرمایا : کون سا آسماں مجھے سایہ دے گا، کون سی زمین مجھے چھپائے گی، میں کہاں جاؤں گا اور کیا کروں گا اگر میں نے کتاب اللہ کے حرف کے بارے میں وہ بات کہی جو اللہ تبارک و تعالیٰ کے ہاں درست نہیں۔ ابن الانباری فی المصاحف۔
فائدہ 3068 نمبر حدیث کے ذیل میں حرف قرآن کی تفسیر ملاحظہ کریں۔ اس مذکورہ حدیث میں اس بات کی سختی سے ممانعت کی طرف اشارہ ہے جو بات معلوم نہ ہو قرآن کے بارے میں قطعا نہ کہی جائے ورنہ یہ ومن اظلم ممن افتری علی اللہ الکذب اس شخص سے زیادہ ظالم کون ہوگا جو اللہ پر جھوٹ باندھے۔ کے زمرے میں شمار ہوگا۔ عافانا اللہ منہ۔