Kanz al-Ummal: Hadith 41650

٤١٦٣٧۔۔۔ جب کوئی اپنے حجرہ کے دروازہ پر آئے تو سلام کرے جو اس کے ساتھی شیطان کو واپس کردے گا اور جب اپنے حجروں میں آجاؤ تو سلام کرو وہاں رہنے والے شیاطین نکل جائیں گے اور جب سفر کے لیے کوچ کرنے لگو تو پہلا ٹاٹ جو تم اپنی سواری کے جانوروں پر رکھو تو بسم اللہ پڑھو تو وہ سواری میں تمہارے شریک نہ ہوں گے اور اگر تم نے ایسا نہ کیا تو وہ تمہارے ساتھ شریک ہوجائیں گے۔ اور جب کھاؤ توبسم اللہ پڑھ لوتا کہ وہ تمہارے ساتھ کھانے میں شریک نہ ہوں کیونکہ اگر تم نے ایسانہ کیا تو وہ تمہارے کھانے میں شریک ہوجائیں گے رات اپنے حجروں میں کو ڑاکرکٹ نہ رکھو کیونکہ وہ ان کے بیٹھنے کی جگہ ہے اور نہ رات اپنے گھروں میں صافی رکھو اس واسطے کہ وہ ان کا بسیرا ہے اور نہ وہ عرق گیر بچھایا کرو جو تمہاری سواریوں کی پیٹھوں پر ہوتے ہیں ان سے بدبو آتی ہے اور کھلے گھر میں جن کے دروازے نہ ہوں مت رہو اور فصیل کے بغیر چھتوں پر رات نہ گزارو، اور جب کتے کی بھونک سنویاگدھے کا رینکتا تو اللہ تعالیٰ کی پناہ طلب کرو کیونکہ کتا اس وقت بھونکتا اور گدھا اس وقت رینکتا ہے جب اسے شیطان کو دیکھتا ہے۔ عبدبن حمید عن جابر