Kanz al-Ummal: Hadith 42087

٤٢٠٧٤۔۔۔ رافع بن خدیج (رض) سے روایت ہے فرمایا : ایک دن میرے ماموں میرے پاس آکر کہنے لگے : آج رسول اللہ (صلی اللہ علیہ وآلہ وسلم) نے ہمیں اس کام سے روک دیا ہے جو تمہارے لیے فائدہ مندھتا۔ البتہ اللہ تعالیٰ اور اس کے رسول کی اطاعت ہمارے اور تمہارے لیے زیادہ نفع بخش ہے آپ ایک کھیتی کے پاس گزرے فرمایا : یہ فصل کس کی ہے ؟ لوگوں نے کہا : فلاں کی فرمایا : زمین کس کی ہے ؟ لوگوں نے کہا : فلاں کی ، فرمایا : اس کا کیا معاملہ ہے ؟ لوگوں نے کہا : اسے اتنے اتنے پر دی ہے تو نبی (صلی اللہ علیہ وآلہ وسلم) نے فرمایا : تم میں سے کوئی اپنے بھائی کو زمین بخشے یہ اس سے بہتر ہے کہ اس پر مقراجرت لے۔ اور تہائی چوتھائی اور زمین کے کرایہ سے منع فرمایا : ایوب نے فرمایا : کسی نے طاؤس سے کہا : یہاں حضرت رافع بن خدیج کا ایک بیٹا ہے جو یہ حدیث بیان کرتا ہے تو وہ اس کے پاس گئے پھرو اپس آئے اور فرمایا : کہ مجھے یہ حدیث اس شخص نے سنائی جو تم سے زیادہ علم والا ہے رسول اللہ (صلی اللہ علیہ وآلہ وسلم) ایک کھیتی پر سے گزرے تو وہ آپ کو اچھی لگی فرمایا : یہ کس کی فصل ہے لوگوں نے کہا : فلاں کی فرمایا زمین کس کی ہے لوگوں کے کہا : فلاں کی فرمایا : کیسے ؟ لوگوں نے کہا : اتنے اتنے پر اسے دی ہے نبی (صلی اللہ علیہ وآلہ وسلم) نے فرمایا : تم میں سے کوئی اپنے بھائی کو زمین بخشے یہ اس کے لیے بہتر ہے فرماتے ہاں وہ اس کے لیے بہتر ہے اور آپ نے اس سے منع نہیں فرمایا۔ رواہ عبدالرزاق