Kanz al-Ummal: Hadith 4221

4221: زر بن حبیش سے مروی ہے میں نے شروع سے آخر تک پورا قرآن حضرت علی (رض) سے پڑھا جب میں حامیم (حم سے شروع ہونے والی سورتوں) پر پہنچاتو فرمایا : تو قرآن کی دلہنوں تک پہنچ گیا ہے۔ جب میں حمعسق کی بائیسویں آیت والذین آمنوا وعملوا الصالحات فی روضات الجنات پر پہنچا تو آپ (رض) رو پڑے حتی کہ آپ کی آواز بلند ہوگئی پھر آسمان کی طرف سر اٹھا دیا اور مجھے فرمایا اے زر ! میری دعا پر آمین کہتا جا۔ پھر دعا کی :
اللہم انی اسالک اخبات المخبتین، و اخلاص المومنین، ومرافقہ الابرار و استحقاق حقائق الایمان، والغنیمۃ من کل بر والسلامۃ من کل اثم و وجوب رحمتک ، وعزائم مغفرتک، والفوز بالجن، والنجاۃ من النار۔
اے اللہ میں عاجزی کرنے والوں کی عاجزی مانگتا ہوں، یقین والوں کا ایمان مانگتا ہوں، نیکوں کا ساتھ مانگتا ہوں، ایمان کے حقائق مانگتا ہوں، ہر نیکی کا حصول چاہتا ہوں، ہر برائی سے پناہ چاہتا ہوں، تیری رحمت کو واجب کرنے والی چیزیں اور تیری یقینی مغفرت مانگتا ہوں، جنت کی کامیابی اور جہنم سے نجات کا سوال کرتا ہون۔
پھر فرمایا : اے زر ! تو بھی ان کلمات کے ساتھ دعا کیا کر، مجھے میرے محبوب حضور (صلی اللہ علیہ وآلہ وسلم) نے حکم دیا تھا کہ ختم قرآن کے موقع پر ان کلمات کو پڑھا کروں۔ رواہ ابن النجار۔