Kanz al-Ummal: Hadith 4279

4279: حضرت سعید بن المسیب (رح) (مشہور تابعی) سے منقول ہے کہ حضرت صہیب (رض) ہجرت کے لیے نکلے۔ ان کے پیچھے قریش کے کچھ مشرک لگ گئے۔ آپ (رض) نے فرمایا : تم جانتے ہو میں تم میں سب سے زیادہ تیر انداز ہوں۔ اللہ کی قسم تم میرے قریب نہیں آسکتے جب تک میں اپنے ترکش کا آخری تیر تم پر نہ چلا دوں پھر میں تمہارے ساتھ تلوار سے لڑوں گا جب تک وہ میرے ہاتھ میں رہے گی۔ پھر تم جو چاہو کرنا۔ لیکن اگر تم چاہو تو میں مکہ میں اپنے مال کا پتہ تم کو دیتا ہوں تم میرا راستہ چھوڑ دو ۔ انھوں نے کہا ٹھیک ہے۔ اس پر معاہدہ ہوگیا۔ اور آپ (رض) نے ان کو مال کا پتہ دیدیا۔ پھر اللہ نے اپنے رسول پر قرآن نازل فرمایا :
ومن الناس من یشری نفسہ ابتغاء مرضات اللہ الخ۔ البقرہ۔
اور لوگوں میں بعض وہ ہیں جو اللہ کی رضا کے لیے اپنی جان خرید لیتے ہیں۔
جب نبی کریم (صلی اللہ علیہ وآلہ وسلم) نے صہیب (رض) کو دیکھا اے ابو یحییٰ تجارت کامیاب ہوگئی اے ابو یحییٰ ! تجارت کامیاب ہوگئی، اے ابو یحییٰ تجارت کامیاب ہوگئی، پھر آپ نے مذکورہ آیت پڑھ کر سنائی۔ ابن سعد، الحارث، ابن المنذر، ابن ابی حاتم، حلیۃ الاولیاء، ابن عساکر۔