Kanz al-Ummal: Hadith 4291

4291: کلیب (رض) سے مروی ہے کہ حضرت عمر (رض) نے جمعہ کے روز خطبہ دیا اور آل عمران کی تلاوت فرمائی اور جب اس فرمان تک پہنچے :
ان الذین تولوا منکم یوم التقی الجمعان۔
بےشک جو لوگ پیٹھ پھیر گئے تم میں سے اس دن (جس دن) دو جماعتوں کی مڈبھیڑ ہوئی۔ آپ (رض) نے فرمایا : جب احد کا دن تھا ہم لوگ شکست کھانے لگے میں بھاگ کر پہاڑ پر چڑھ گیا۔ میں نے اپنے آپ کو دیکھا کہ میں پہاڑی بکرے کی مانند دوڑتا پھر راوں۔ لوگ کہہ رہے ہیں محمد قتل ہوگئے۔ تب میں نے آواز لگائی۔ میں نے جس کو یہ کہتے ہوئے پایا کہ محمد قتل ہوگئے ہیں میں اس کو قتل کرڈالوں گا۔ حتی کہ (اس افراتفری میں) ہم پہاڑ جمع ہوگئے۔ پھر یہ آیت نازل ہوئی :
ان الذین تولوا منکم یوم التی الجمعان ۔ رواہ ابن جریر۔