Kanz al-Ummal: Hadith 4308

4308: (مسند صدیق (رض)) حضرت ابوبکر صدیق (رض) نے عرض کیا : یا رسول اللہ ! من یعمل سوءا یجز بہ۔ جس نے برا عمل کیا اس کا اس کو بدلہ دیا جائے گا۔ اس آیت کے بعد کیسے گناہ سے خلاصی حاصل کی جائے، کیا جو بھی برا عمل سرزد ہوگا اس کی سزا ضرور ملے گی ؟ حضور اکرم (صلی اللہ علیہ وآلہ وسلم) نے فرمایا : اللہ تیری مغفرت کرے اے ابوبکر ! کیا تو مریض نہیں ہوتا ؟ کیا تو مشقت میں مبتلا نہیں ہوتا ؟ کیا تو رنجیدہ خاطر نہیں ہوتا ؟ کیا تجھے تکلیف نہیں لاحق ہوتی ؟ کیا تجھے ناموافق حالات نہیں پیش آتے ؟ حضرت ابوبکر صدیق (رض) نے عرض کیا : کیوں نہیں۔ تب آپ (صلی اللہ علیہ وآلہ وسلم) نے فرمایا : بس یہی تو دنیا ہی ان گناہوں کا بدلہ ہوجاتی ہے۔ (مصنف ابن ابی شیبہ، مسند احمد، ھناد، عبد بن حمید، الحارث، العدنی، المروزی، فی الجنائز، الحکیم، ابن جریر، ابن المنذر، مسند ابی یعلی، ابن حبان، ابن السنی فی عمل یوم ولیلۃ، مستدرک الحاکم، السنن للبیہقی، السنن لسعید بن منصور) ۔