Kanz al-Ummal: Hadith 4324

4324: حضرت علی (رض) سے مروی ہے کہ حضور (صلی اللہ علیہ وآلہ وسلم) نے ارشاد فرمایا " فاذا احصن " عورت کا احصان اس کا اسلام ہے۔ حضرت علی (رض) نے فرمایا : ان کو کوڑے مارے جائیں۔ ابن ابی حاتم۔
فائدہ : ۔۔ سورة النساء آیت 25 میں لونڈی کے ساتھ نکاح کے احکام کا بیان ہے جس میں فاذا احصن کے ساتھ یہ حکم بیان ہوا ہے کہ اگر وہ نکاح کے بعد بدکاری کا ارتکاب کر بیٹھیں تو آزاد کے مقابلے میں غلام اور باندی کی نصف سزا ہے۔
پھر حدیث میں احصان سے اسلام مراد بتا کر یہ بیان فرمایا کہ نکاح ہو یا نہ ہو لیکن مسلمان ہو تو غلام اور باندی پر نصف سزا ہے۔ اور وہ پچاس کوڑے ہیں۔ اس صورت میں فاذا احصن سے حصن اسلام میں داخل ہونا مراد ہوگا اور حدیث و قرآن میں تعارض نہ ہوگا۔ (کنز العمال عربی ج 2 ص 387)
کلام : حدیث منکر ہے۔