Kanz al-Ummal: Hadith 4329

4329: محمد بن کعب قرضی ط (رح) سے مروی ہے کہ حضرت علی (رض) دو حکم (ثالث) مقرر فرما دیتے تھے : ایک مرد کی طرف سے اور دوسرا عورت کی طرف سے۔ عورت کا ثالث (نمائند) مرد کو کہتا : اے فلاں ! تجھے اپنی بیوی میں کیا برائی نظر آئی ہے ؟ مرد کہتا : مجھے اس سے یہ یہ شکایت ہے۔ عورت کا نمائندہ اسے کہتا : کیا خیال ہے اگر وہ ان برائیوں سے دور ہوجائے اور تیری مرضی کے مطابق چلے کیا تو اس کے بارے میں اللہ سے ڈرے گا اور اس کا حق جو تجھ پر لازم ہے : نان نفقے اور لباس کے بارے میں پورا ادا کرے گا ؟ پس وہ مرد کہتا : ہاں۔ تب پھر مرد کا نمائندہ عورت سے بات کرتا : اے فلانی ! تجھے اپنے شوہر میں کیا عیب دیکھا ؟ وہ کہتی مجھے اس سے یہ شکایت ہے۔ چنانچہ مرد کا نمائندہ بھی عورت کے نمائندے کی طرح پوچھ گچھ کرتا اور عورت اس پر رضا مند ہوجاتی تو دونوں نمائندے دونوں کو اکٹھا کردیتے۔
حضرت علی (رض) فرماتے ہیں : دونوں نمائندے میاں بیوی کو اکٹھا کرسکتے ہیں اور دونوں جدا کرنے کا اختیار بھی رکھتے ہیں۔ رواہ ابن جریر۔