Kanz al-Ummal: Hadith 4334

4334: ۔۔ حضرت علی (رض) سے اس کے بارے میں سوال کیا گیا :
و ان امراۃ خافت من بعلہا نشوزا او اعراضا الخ۔ النسائی۔ 128 ۔
اور اگر کسی عورت کو اپنے خاوند کی طرف سے زیادتی یا بےرغبتی کا اندیشہ ہو تو میاں بیوی پر کچھ گناہ نہیں کہ کسی قرار داد پر صلح کرلیں۔
حضرت علی (رض) نے فرمایا : ہاں یہ علم اسی لیے ہے کہ اسی سے نفع اٹھایا جائے۔ ایسے ہی سوالات کیا کرو۔ پھر فرمایا اس سے مراد یہ ہے کہ مثال کے طور پر ایک شخص کی دو بیویاں ہیں۔ ایک عورت بوڑھی ہوگئی ہے یا وہ بدصورت ہے اور شوہر اس کو الگ کرنا چاہتا ہے تو وہ عورت مرد سے اس قرار داد پر صلح کرلے کہ وہ اس کے پاس ایک رات جبکہ دوسری کے پاس کئی (متعین) راتیں قیام کرے لیکن اس کو اپنے سے الگ نہ کرے۔ اگر عورت کو اس پر اطمینان ہو تو مرد کے لیے اس میں کوئی حرج نہیں۔ پھر اگر عورت اچھی حالت پر لوٹ آئے تو مرد پھر دونوں کے درمیان برابری کرے۔ (ابو ادود الطیالسی، ابن ابی شیبہ، ابن راہویہ، عبد بن حمید، ابن جریر، ابن المنذر، الصابونی فی الماتین، السنن للبیہقی)