Kanz al-Ummal: Hadith 4398

4398: ۔۔ عباد بن عبداللہ بن زبیر (رض) سے مروی ہے کہ حارث بن خزیمہ سورة توبہ کی یہ دو آخری آیات لے کر حضرت عمر (رض) کے پاس آئے۔ لقد جاء کم رسول من انفسکم سے آخر تک۔
حضرت عمر (رض) نے پوچھا : تمہارے ساتھ اس پر اور کون گواہ ہے ؟ انھوں نے عرض کیا : میں نہیں جانتالیکن اللہ کی قسم میں گواہی دیتا ہوں کہ میں نے رسول اللہ (صلی اللہ علیہ وآلہ وسلم) سے ان آیات کو سنا ہے۔ ان کو یاد کیا ہے اور اچھی طرح حفظ کیا ہے۔ حضرت عمر (رض) نے فرمایا : اور میں بھی گواہی دیتا ہوں کہ میں نے ان آیات کو رسول اللہ (صلی اللہ علیہ وآلہ وسلم) سے سنا ہے۔ اگر یہ تین آیات ہوتیں تو میں ان کو علیحدہ سورت کردیتا۔ پس تم قرآن کی کوئی سورت دیکھو اور اس کے آخر میں ملا دو ۔ چنانچہ ہم نے اس کو سورة برأت کے آخر میں لاحق کردیا۔ (ابن اسحاق، مسند احمد، ابن ابی داود، فی المصاحف) ۔