Kanz al-Ummal: Hadith 44173

44160 ابن عباس (رض) کی روایت ہے کہ رسول اللہ (صلی اللہ علیہ وآلہ وسلم) نے مسجد خیف میں ہمیں خطاب کیا اللہ تعالیٰ کی حمدوثناء کے بعد فرمایا : جو شخص آخرت کو اپنا مقصد بنا لیتا ہے اللہ تعالیٰ اس کے پراگندہ امور کو مجتمع فرمائے گا، اس کی مالداری اس کی آنکھوں کے سامنے رکھ دے گا، دنیا بھر پوررغبت کے ساتھ اس کی طرف آئے گی۔ جو شخص دنیا کو اپنا مقصد بناتا ہے اللہ تعالیٰ اس کے شیرازے کو منتشر کردیتا ہے، اس کی آنکھوں کے سامنے محتاجی رکھ دیتا ہے جبکہ اسے دنیا سے وہی مل پاتا ہے جو اس کے لیے لکھ دیا گیا ہو۔ رواہ الطبرانی و ابوبکر الخفاف فی معجمہ وابن النجار