Kanz al-Ummal: Hadith 4492

4492: ۔۔ ابو الورقاء (رح) سے مروی ہے کہ میں نے حضرت علی (رض) سے عرض کیا : ذو القرنین کی یہ قرنین کیا چیز تھے ؟ (قرن کے معنی سینگ کے آتے ہیں قرنین دو سینگوں والا) تو حضرت علی (رض) نے ارشاد فرمایا : تمہارا خیال ہوگا کہ وہ سونے یا چاندی کے سینگ تھے۔ درحقیقت اللہ نے ان کو ایک قوم کی طرف مبعوث فرمایا تھا۔ ایک شخص نے کھڑے ہو کر آپ کے بائیں جانب سر پر چوٹ ماری جس سے آپ جاں بحق ہوگئے۔ اللہ نے آپ کو پھر زندہ کردیا اور لوگوں کی طرف مبعوث فرمایا : پھر ایک شخص نے کھڑے ہو کر آپ کے بائیں جانب سر پر چوٹ ماری جس سے آپ جاں بحق ہوگئے۔ اللہ نے آپ کو پھر زندہ کردیا اور لوگوں کی طرف مبعوث فرمایا : پھر ایک شخص نے کھرے ہو کر آپ کے سر پر دائیں طرف چوٹ ماری جس سے آپ جاں بحق ہوگئے اسی وجہ سے اللہ نے آپ کو ذوالقرنین فرمایا۔ ابو الشیخ فی العظمۃ۔
فائدہ : ۔۔ قرن کے معنی سینگ کے علاوہ اور بہت سے آتے ہیں جن میں ایک معنی سر کی ایک جانب بھی ہے جہاں جانوروں کو سینگ نکلتے ہیں چنانچہ دونوں جانبوں کو قرنین کہا گیا ہے اور ذو کا معنی والا ہے اس طرح آپ کا نام ذوالقرنین پڑگیا۔