Kanz al-Ummal: Hadith 4506

4506: ۔۔ حضرت علی (رض) سے مروی ہے کہ نبی کریم (صلی اللہ علیہ وآلہ وسلم) نے ارشاد باری تعالیٰ :
یوم نحشر المتقین الی الرحمن وفدا۔ مریم :75 ۔
جس روز ہم پرہیزگاروں کو خدا کے سامنے (بطور) مہمان جمع کریں گے۔
کے بارے میں فرمایا : اللہ کی قسم ! ان کو اپنے قدموں پر کھڑا کرکے پیش نہیں کیا جائے گا، نہ ان کو چلا کر لایا جائے گا۔ بلکہ جنت کی اونٹنیوں پر سوار کرکے لایا جائے گا۔ مخلوقات نے ان کے مثل اونٹنیاں نہیں دیکھی ہوں گی، ان کے کجاوے سونے کے ہوں گے، ان کی لگامیں زبرجد کی ہوں گی وہ ان پر بیٹھے رہیں گے حتی کہ جنت کا دروازہ کھٹکھٹائیں گے۔ ابن ابی داؤد فی البعث، ابن مردویہ۔