Kanz al-Ummal: Hadith 4524

4524: ۔۔ محمد بن سیرین (رح) سے مروی ہے کہ (جب حضرت عثمان (رض) کا ظالموں نے محاصرہ کرلیا تو) حضرت عثمان (رض) نے (شاہی) محل کے اوپر سے سر اٹھا کر فرمایا : میرے پاس ایسے کسی شخص کو لاؤ جس کے ساتھ میں کتاب اللہ کو لے کر مناظرہ کروں۔ ظالموں نے صعصعہ بن صوحان کو جو نوجوان تھا پیش کردیا۔ آپ (رض) نے فرمایا : تم کو اس جوان کے علاوہ اور کوئی نہ ملا تھا جس کو میرے پاس لے آتے ؟ پھر صعصعہ نے آپ سے بات کی۔ آپ (رض) نے فرمایا : (اپنی دلیل مین) قرآن پڑھو : اس نے پڑھا :
اذن للذین یقاتلون بانہم ظلموا وان للہ علی نصرھم لقدیر۔ الانبیاء : 39
جن مسلمانوں سے (خواہ مخواہ) لڑائی کی جاتی ہے ان کو اجازت ہے (کہ وہ بھی لڑیں) کیونکہ ان پر ظلم ہورہا ہے۔ اور خدا (ان کی مدد کرے گا وہ ) یقیناً ان کی مدد پر قادر ہے۔
حضرت عثمان (رض) نے فرمایا : تو جھوٹ بولتا ہے یہ آیت تمہارے لیے ہے اور نہ تمہارے ساتھیوں کے لیے، بلکہ یہ آیت میرے لیے اور میرے ساتھیوں کے لیے ہے۔ ابن ابی شیبہ، ابن مردویہ، ابن عساکر۔