Kanz al-Ummal: Hadith 4526

4526: ۔۔ عثمان بن عفان (رض) سے مروی ہے فرمایا : ہمارے بارے میں یہ حکم الہی نازل ہوا :
الذین اخرجوا من دیارہم بغیر حق ۔۔۔ تا۔۔۔ عاقبۃ الامور۔ الحج : 40 ۔ 41
یہ وہ لوگ ہیں جو اپنے گھروں سے ناحق نکال دیے گئے (انہوں نے کچھ قصور نہیں کیا) ہاں یہ کہتے ہیں کہ ہمارا پروردگار خدا ہے اور اگر خدا لوگوں کو ایک دوسرے سے نہ ہٹاتا رہتا تو (راہبوں کے صومعے اور (عیسائیوں کے) گرجے اور (یہودیوں کے) عبادت خانے اور (مسلمانوں کی) مسجدیں جن میں خدا کا بہت سا ذکر کیا جاتا ہے گرائی جا چکی ہوتیں۔ اور جو شخص خدا کی مدد کرتا ہے خدا اس کی ضرور مدد کرتا ہے۔ بیشک خدا توانا (اور) غالب ہے۔
یہ وہ لوگ ہیں کہ اگر ہم ان کو ملک میں دسترس دیں تو نماز پڑھیں اور زکوۃ ادا کریں اور نیک کام کرنے کا حکم دیں اور برے کاموں سے منع کریں اور سب کاموں کا انجام خدا ہی کے اختیار میں ہے۔
پھر حضرت عثمان (رض) نے فرمایا : ہم کو ناحق ہمارے گھروں سے بےگھر کیا گیا پھر ہم کو زمین میں حکومت دی گئی تو ہم نے نماز قائم کی، زکوۃ ادا کی، نیکی کا حکم دیا اور برائی سے روکا، پس یہ فرمان الہی میرے اور میرے ساتھیوں کے بارے میں نازل ہوا تھا۔ (عبد بن حمید، ابن ابی حاتم، ابن مردویہ)