Kanz al-Ummal: Hadith 4531

4531: ۔۔ قیس بن عباد حضرت علی (رض) سے روایت کرتے ہیں۔ حضرت علی (رض) نے فرمایا : قیامت کے دن رحمن کے سامنے فیصلے کے لیے سب سے پہلے میں گھٹنے ٹیکوں گا۔ قیس (رح) فرماتے ہیں : انہی (اصحاب محمد) کے بارے میں یہ آیت نازل ہوئی ہے :
ھذان خصمان اختصموا فی ربہم ۔ الحج : ا 9
یہ دو فریق جنہوں نے اپنے پروردگار کے بارے میں جھگڑا کیا ہے۔
فرمایا یہ وہ لوگ ہیں جو جنگ بدر میں ایک دوسرے کے مد مقابل کھڑے ہوئے تھے۔ انہی میں سے حضرت علی ، حضرت حمزہ اور حضرت عبید بن الحارث (رض) اور (مشرکین میں سے) عتبہ بن ربیعہ ، شیبہ بن ربیعہ اور ولید بن عتبہ بھی ہیں۔ (ابن ابی شیبہ، بخاری، نسائی، ابن جریر، الدورقی، الدلائل للبیہقی)