Kanz al-Ummal: Hadith 45695

45683 عبداللہ بن سعید اپنے دادا اسے روایت نقل کرتے ہیں کہ انھوں نے حضرت عمر (رض) کو منبر پر فرماتے ہوئے سنا چنانچہ آپ (رض) نے فرمایا : اے مسلمانو کی جماعت ! بلاشبہ اللہ تعالیٰ نے تمہارے لیے عجمیوں کے ممالک سے بہت سارا مال غنیمت سمیٹ کر تمہارے سامنے لا رکھا ہے عجمیوں کی عورتوں اور ان کی اولاد کو تمہارے سپرد کردیا ہے حالانکہ یہ غنیمت رسول کریم (صلی اللہ علیہ وآلہ وسلم) اور ابوبکر (رض) کے دور میں تمہیں نہیں ملی۔ میں جانتا ہوں کہ بہت سارے مردوں کو غنیمت میں عورتیں ملی ہیں جب تمہارے ہاں باندیاں اولاد جنم دے دیں تو پھر انھیں مت بیچو چونکہ وہ تمہارے امہات اولاد ہیں۔ چونکہ اگر تم ایسا کرو گے تو کیا بعید کہ دوسرا شخص اس کی حرمت سے ہمبستری کر بیٹھے اور اسے شعور تک بھی نہ ہو۔ رواہ البیہقی