Kanz al-Ummal: Hadith 46324

46312 ابن عباس (رض) کی روایت ہے کہ صفوان بن امیہ (رض) مکہ میں اوپر کے حصہ میں تھے ان سے کہا گیا کہ جو شخص ہجرت نہیں کرتا اس کا کوئی دین نہیں ۔ صفوان (رض) نے کہا : میں اس وقت تک اپنے گھر واپس نہیں جاؤں گا۔ جب تک میں ہجرت کرکے مدینہ پہنچ جاؤں۔ چنانچہ صفوان (رض) مدینہ آگئے اور حضرت عباس بن عبدالمطلب کے یہاں ٹھہرے۔ پھر نبی کریم (صلی اللہ علیہ وآلہ وسلم) کی خدمت میں حاضر ہوئے۔ آپ نے فرمایا : اے ابو وھب ! تم کیوں آئے ہو ؟ عرض کیا : مجھ سے کہا گیا ہے کہ جو شخص ہجرت نہیں کرتا اس کا کوئی دین نہیں ہے۔ نبی کریم (صلی اللہ علیہ وآلہ وسلم) نے فرمایا : اے ابو وہب ! بطحاء مکہ واپس چلے جاؤ اور اپنے گھر میں رہو چونکہ ہجرت کا سلسلہ منقطع ہوچکا ہے۔ لیکن جہاد ہے اور نیت ہے لہٰذا جب تم سے جہاد میں نکلنے کے لیے مطالبہ کیا جائے تو فوراً نکلو۔۔ رواہ ابن عساکر