Kanz al-Ummal: Hadith 46336

46324 حضرت علی (رض) کی روایت ہے کہ جب رسول اللہ (صلی اللہ علیہ وآلہ وسلم) نے ہجرت مدین کی تو آپ نے مجھے حکم دیا کہ میں آپ کے بعد یہیں مکہ میں مقیم رہوں حتیٰ کہ لوگوں کی جو امانتیں آپ کے پاس تھیں وہ ادا کردوں۔ چنانچہ آپ کو امین کے نام سے پکارا جاتا تھا۔ میں نے آپ کے بعد تین دن قیام کیا اور سرعام گھومتا پھرتا تھا۔ میں ایک دن بھی روپوش نہیں ہوا ہوں پھر میں بھی رسول اللہ کے پیچھے چل پڑا حتیٰ کہ بنی عمروبن عوف کے پاس جا اترا اور رسول اللہ (صلی اللہ علیہ وآلہ وسلم) مقیم ہوچکے تھے میں کلثوم بن الھدم کے پاس اترا اور یہیں رسول اللہ (صلی اللہ علیہ وآلہ وسلم) قیام کئے ہوئے تھے۔ رواہ ابن سعد