Kanz al-Ummal: Hadith 4674

4674: ۔۔ حضرت انس (رض) سے مروی ہے کہ حضرت عمر (رض) نے فرمایا : مجھے یہ بات آپہنچی کہ آپ کی بیویوں نے آپ کو تکلیف پہنچائی ہے، چنانچہ میں ان کے پاس گیا اور ان سے معاملہ کی ٹوہ لینے لگا۔ اور ان کو نصیحت بھی کرتا رہا اور یہ بھی کہتا : لتنتھین او لیبد لنہ اللہ ازواجا خیرا منکن۔ تم عورتیں (اپنی تکلیف رسانی سے) باز آجاؤ ورنہ اللہ اپنے نبی کو تم سے بہتر اور بیویاں دے گا۔
حتی کہ میں زینب کے پاس گیا اس نے مجھے کہا : اے عمر ! کیا نبی (صلی اللہ علیہ وآلہ وسلم) ہمیں نصیحت نہیں کرسکتے۔ جو تو ہمیں کررہا ہے ؟ پھر اللہ پاک نے نے (حضرت عمر (رض) کے الفاظ ہی میں ازواج مطہرات کو) حکم نازل فرمایا :
عسی ربہ ان طلقکن ان یبدلہ ازواجا خیرا منکن۔ الخ
اگر نبی تم کو طلاق دے دے تو قریب ہے اس کا رب اس سے تم سے بہتر اور بیویاں دے دے۔ (ابن منیع ابن ابی عاصم فی السنۃ، ابن عساکر)
صحیح روایت ہے۔