Kanz al-Ummal: Hadith 4686

4686: ۔۔ والنازعات غرقاً والناشطات نشطاً۔ والسابحات سبحاً۔ فالسابقات سبقاً فالمدبرات امراً۔ النازعات۔ 1 ۔ 5
ترجمہ : ۔۔ ان (فرشتوں) کی قسم جو ڈوب کر کھینچ لیتے ہیں۔ اور ان کی جو آسانی سے کھول دیتے ہیں۔ اور ان کی جو تیرتے پھرتے ہیں پھر لپک کر بڑھتے ہیں۔ پھر دنیا کے کاموں کا انتظار کرتے ہیں۔
حضرت علی (رض) کا ارشاد ہے : النازعات غرقا یہ وہ فرشتے ہیں جو کفار کی روح نکالتے ہیں۔ والناشطات نشطا۔ یہ فرشتے کفار کی روحوں کو ان کے ناخنوں اور کھالوں تک سے نکال لیتے ہیں۔ والسابحات سبحا یہ فرشتے مومنین کی روحوں کو لے کر آسمانوں اور زمین کے درمیان تیرتے (یعنی اڑتے) رہتے ہیں۔ فالسابقات سبقا۔ یہ ملائکہ مومنوں کی روح کو لے کر ایک دوسرے سے آگے بڑھ کر پہلے اللہ تعالیٰ کے پاس پہنچاتے ہیں۔ فالمدبرات امراً یہ فرشتے بندگان خدا کے معاملات کا سال بہ سال انتظام کرتے ہیں۔ السنن لسعید بن منصور، ابن لمنذر)