Kanz al-Ummal: Hadith 4752

4752: ۔۔ حضرت صعصعہ سے مروی ہے فرمایا : سب سے پہلے جس شخص نے قرآن جمع کیا اور کلالہ کو وارث قرار دیا وہ حضرت ابوبکر (رض) ہیں۔ (مصنف ابن ابی شیبہ)
ابوبکر صدیق (رض) بھی جامع القرآن ہیں
فائدہ : ۔۔ یعنی جمع قرآن کا سلسلہ سب سے پہلے حضرت ابوبکر (رض) کے دور میں شروع ہوا۔ کلالہ کو وارث بنایا۔ کلالہ کی تفصیل یہ ہے کہ کوئی شخص مرجائے اور اس کا والد ہو نہ اولاد جو اس کے مال کی وارث بن سکے۔ بلکہ اس کے قریبی رشتہ دار اس کے بن جائیں اور وہ رشتہ دار بھی کلالہ کہلائیں گے اور مرنے والا بھی اور یہ مال بھی کلالہ ہوگا۔ حضرت ابوبکر (رض) نے کلالہ کو وارث بنایا اس کا مطلب ہے ان کے زمانہ میں کوئی کلالہ شخص وفات کر گیا لہٰذا حضرت ابوبکر (رض) نے اس کے دوسرے رشتہ داروں کو اس کی وراثت سونپ دی۔
یستفتگونک قل اللہ یفتیکم فی الکلالہ۔ الخ۔ النساء : 176
کلالہ کے فقہی مسائل مذکورہ آیت کی تفسیر میں ملاحظہ فرمائیں۔