Kanz al-Ummal: Hadith 4774

4774: ۔۔ عبدالرحمن بن مہدی (رح) سے مروی ہے کہ حضرت عثمان بن عفان (رض) کی دو خصوصیات ابوبکر اور عمر (رض) میں بھی نہیں ہیں۔ انھوں نے صبر کیا حتی کہ قتل ہوگئے اور تمام لوگوں کو ایک قرآن پاک پر جمع کردیا۔ (ابن ابی داود، ابو الشیخ فی السنۃ، حلیۃ الاولیاء، ابن عساکر)
فائدہ : ۔۔۔ حضرت ابوبکر (رض) نے جمع قرآن کا کام شروع کیا تھا پھر حضرت عمر (رض) کے دور میں چار نسخے لکھ لیے گئے۔ غالبا ہر ایک میں قراءتوں کا فرق تھا جو مختلف علاقوں کے لیے ان کی سہولت کو سامنے رکھ کر لکھے گئے تھے۔ اور ان قراءت کی اجازت رسول اللہ (صلی اللہ علیہ وآلہ وسلم) سے ثابت تھی لیکن پڑھنے والے آپس میں اختلاف اور نزاع بھی کھڑا کرلیتے تھے۔ اسی وجہ سے جنگوں میں جب مجاہدین ایک دوسرے علاقوں کے جمع ہوتے تو قرآن پڑھنے میں ان کے درمیان تنازعہ ہوتا۔ لہٰذا حضرت عثمان (رض) نے ایک مصحت پر لوگوں کو جمع کرکے باقی مختلف قرآءت کے مصاحف جلوا ڈالے اور امت کو انتشار اور افت سے بچا لیا۔ (رض) وارضاہ۔