Kanz al-Ummal: Hadith 4776

4776: ۔۔ ابو قلابہ (رح) سے مروی ہے کہ دور عثمان (رض) میں کوئی معلوم کسی قرآءت پر قرآن پڑھاتا اور کوئی معلم کسی دوسری قراءت پر قرآن پڑھاتا۔ نتیجۃ لڑکے آپس میں ملاقات کے وقت ایک دوسرے سے اختلاف کرتے۔ حتی کہ بات بڑھتی ہوئی معلموں تک پہنچتی اور معلم بھی ایک دوسرے کی قراءت کا انکار کرتے۔ یہ بات حضرت عثمان (رض) کو پہنچی حضرت عثمان (رض) خطبہ ارشاد فرمانے کے لیے کھڑے ہوئے اور فرمایا :
تم لوگ میرے قریب ہوتے ہوئے اختلاف اور خطاء کا شکار ہو تو جو مجھ سے دور دوسرے شہروں میں بس رہے یں ان میں اور زیادہ سخت اختلاف اور شدید غلطیاں ہوں گی۔ پس اے اصحاب محمد ! (صلی اللہ علیہ وآلہ وسلم) لوگوں کے لیے ایک امام (والی حیثیت کا قرآن پاک) لکھ دو (جس کی طرف سب رجوع کریں۔
ابو قلابہ کہتے ہیں مجھے مالک بن انس (رح) نے بیان کیا، ابوبکر بن مالک کہتے ہیں یہ مالک بن انس (امام) مالک بن انس کے دادا ہیں۔ مالک بن انس کہتے ہیں میں ان لوگوں میں تھا جن کو قرآن املاء کروایا (اور لکھوایا) جاتا تھا۔ لہٰذا کبھی کسی آیت میں اختلاف ہوجاتا تو ایسے آدمی کو یاد کرتے جس نے اس آیت کو رسول اللہ (صلی اللہ علیہ وآلہ وسلم) سے لیا ہوتا تھا۔ کبھی وہ غائب ہوتا یا کسی دیہات میں ہوتا تو کاتبین اس سے ماقبل اور مابعد آیات لکھ لیتے اور اس آیت کی جگہ چھوڑ دیتے۔ حتی کہ وہ صحابی خود اجاتا یا ان کو پیغام بھیج کر بلوا لیا جاتا۔ اس طرح جب مصحف شریف کی کتابت سے فراغت ہوئی تو حضرت عثمان (رض) نے تمام شہر والوں کو لکھا : میں نے ایسا کام کیا ہے اور یہ یہ مٹا دیا ہے پس اس کے مثل جو تمہارے پاس ہو تم اس کو مٹا دو ۔ (اور جیسا میں نے لکھا ہے ویسا تم بھی لکھا رہنے دو ) ( ابن ابی داؤد الانباری، رواہ الخطیب فی المتفق عن ابی قلابہ عن رجل من بنی عامر یقال لہ انس بن مالک القشیری بدل مالک بن انس )