Kanz al-Ummal: Hadith 4780

4780: ۔۔ مصعب بن سعد سے مروی ہے کہ حضرت عثمان (رض) نے حضرت بی، عبداللہ اور معاذ (رض) کی قراءت سنی تو لوگوں کو خطبہ دینے کے لیے کھڑے ہوئے اور فرمایا :
تمہارے پیغمبر کو وفات پائے ہوئے پندرہ سال کا عرصہ بیت گیا ہے اور تم اب تک قرآن میں اختلاف کا شکار ہو۔ لہٰذا میں تم پر عزم کے ساتھ حکم کرتا ہوں کہ جس کے پاس قرآن کا کچھ بھی حصہ ہو جو اس نے رسول اللہ (صلی اللہ علیہ وآلہ وسلم) سے سنا ہو وہ اس کو لے کر میرے پاس آجائے۔ پس لوگ تختی، ہڈی، اور پتھروں جیسی مختلف اشیاء پر لکھا ہوا قرآن لے کر آئے۔ جب بھی کوئی قرآن کا کچھ حصہ لے کر آتا آپ (رض) اس سے پوچھتے : تو نے اس کو رسول اللہ (صلی اللہ علیہ وآلہ وسلم) سے سنا ہے ؟
اس کے بعد آپ (رض) نے پوچھا : سب سے زیادہ فصیح اللسان کون ہے ؟
لوگوں نے حضرت سعید بن العاص کا نام لیا۔ پھر آپ (رض) نے پوچھا سب سے بڑے کاتب کون ہیں ؟ لوگوں نے حضرت زید بن ثابت کا نام لیا۔ چنانچہ آپ (رض) نے حکم دیا کہ زید لکھیں اور سعیدلکھواتے رہیں۔ پھر حضرت زید (رض) نے کئی مصاحف لکھے جو حضرت عثمان (رض) نے شہروں میں تقسیم کردیے مصعب بن سعد فرماتے ہیں : میں نے کسی کو اس کام پر عیب لگاتے نہیں دیکھا۔