Kanz al-Ummal: Hadith 4796

4796: ۔۔ حضرت ابوہریرہ (رض) سے مروی ہے کہ انھوں نے حضرت عثمان (رض) کو جب انھوں نے جمع قرآن کا کام مکمل کرلیا، عرض کیا : تم نے بہت اچھا کیا اور تم کو اچھی چیز کی توفیق نصیب ہوئی۔ میں شہادت دیتا ہوں کہ میں نے نبی کریم (صلی اللہ علیہ وآلہ وسلم) کو فرماتے ہوئے سنا ہے : میری امت میں مجھ سے سب سے زیادہ محبت کرنے والے وہ لوگ ہوں گے جو میرے بعد آئیں گے، مجھ پر ایمان لائیں گے حالانکہ انھوں نے مجھے دیکھا نہ ہوگا اور وہ ان معلق اوراق میں جو کچھ ہے اس پر عمل کریں گے۔ حضرت ابوہریرہ (رض) فرماتے ہیں : میں نے پوچھا کون سے اوراق ؟ پھر میری نظر اوپر اٹھی تو میں نے مصحف شریف کے اوراق دیکھے : یہ بات حضرت عثمان (رض) کو بہت تعجب خیز اور اچھی لگی اور آپ نے حضرت ابوہریرہ (رض) کے لیے دس ہزار درہم عطا کرنے کا حکم دیا اور فرمایا : اللہ کی قسم ! میں نہیں جانتا کہ تم ہم میں سے ہمارے نبی کی حدیث چھپاؤگے۔ (رواہ ابن عساکر)
فائدہ : ۔۔ سورة الحجرات سے آخر قرآن پاک تک کی سورتیں مفصل کہلاتی ہیں انہی کو محکم بھی کہا جاتا ہے۔