Kanz al-Ummal: Hadith 4824

4824: ۔۔۔ (عثمان (رض)) ابو المنہال سے مروی ہے کہ ہمیں خبر پہنچی کہ حضرت عثمان بن عفان (رض) نے ایک دن منبر پر فرمایا میں اس شخص کو اللہ کا واسطہ دیتا ہوں جس نے رسول اللہ (صلی اللہ علیہ وآلہ وسلم) کو فرماتے ہوئے سنا ہو کہ قرآن سات حروف پر نازل ہوا ہے۔ وہ تمام حروف کافی شافی ہیں۔ وہ شخص کھڑا ہوجائے
چنانچہ اس قدر لوگ اٹھ کھڑے ہوئے جو شمار سے باہر تھے۔ انھوں نے اس کی شہادت دی ( کہ ہم نے رسول اللہ (صلی اللہ علیہ وآلہ وسلم) کو یہ فرماتے ہوئے سنا ہے) تب حضرت عثمان (رض) نے ارشاد فرمایا : اور میں بھی تمہارے ساتھ شہادت دیتا ہوں کہ میں نے رسول اللہ (صلی اللہ علیہ وآلہ وسلم) کو یونہی فرماتے ہوئے سنا ہے۔ (الحارث، مسند ابی یعلی)