Kanz al-Ummal: Hadith 4902

4902: ۔۔ انس بن مالک (رض) سے مروی ہے کہ نبی (صلی اللہ علیہ وآلہ وسلم) ایک شخص کے پاس آئے وہ (بیماری اور عبادت و محنت و مشقت) کی وجہ سے پر نوچے ہوئے چوزے کی طرح پڑا تھا۔
نبی (صلی اللہ علیہ وآلہ وسلم) نے اس سے پوچھا : تو اللہ سے کوئی دعا کرتا تھا کیا ؟ اس نے عرض کیا : میں دعا کرتا تھا کہ اے اللہ ! تو آخرت میں جو مجھے سزا دینا چاہتا ہے وہ دنیا ہی میں دیدے۔ نبی (صلی اللہ علیہ وآلہ وسلم) نے فرمایا : تم نے یوں کیوں نہیں کہا :
اللہم ربنا آتنا فی الدنیا حسنۃ و فی الاخرۃ حسنۃ وقنا عذاب النار۔
اے اللہ ہمیں دنیا میں بھی بھلائی دے اور آخرت میں بھی بھلائی دے اور ہمیں جہنم کے عذاب سے بچا۔ چنانچہ اس نے یہ دعا کی تو اللہ نے اس کو شفا بخش دی۔ (مصنف ابن ابی شیبہ)