Kanz al-Ummal: Hadith 4907

4907: ۔۔ عبداللہ بن ابی اوفی (رض) سے مروی ہے کہ ایک شخص نبی کریم (صلی اللہ علیہ وآلہ وسلم) کی خدمت میں آیا اور کہا : میں قرآن سیکھنے کی ہمت نہیں رکھتا تو اس کے بدلے مجھے کیا کرنا چاہیے۔ رسول اللہ (صلی اللہ علیہ وآلہ وسلم) نے ارشاد فرمایا : تم یہ کلمات پڑھا کرو :
سبحان اللہ، والحمد للہ، ولا حول ولا قوۃ الا باللہ، ولا الہ الا اللہ ، واللہ اکبر۔
آدمی نے کہا : اس طرح اور اس نے پانچوں انگلیاں ملا لیں۔ آپ (صلی اللہ علیہ وآلہ وسلم) نے فرمایا : یہ تو اللہ کے لیے ہیں آدمی نے پوچھا : پھر میرے لیے کیا ہے ؟ ارشاد فرمایا : تم یوں کہا کرو :
اللھم اغفر لی وارحمنی واھدنی وارزقنی ۔
پھر آدمی نے اپنی دونوں مٹھیاں بند کرکے پوچھا : یوں ؟ آپ (صلی اللہ علیہ وآلہ وسلم) نے ارشاد فرمایا : اس شخص نے اپنے دونوں ہاتھ خیر کے ساتھ بھر لیے۔ (مصنف عبدالرزاق)
فائدہ : ۔۔ آدمی نے پہلے ایک مٹھی بند کرکے پوچھا کہ اس طرح ان کلمات کو تھام لوں اور ان وک حرز جان بنا لوں تو میرے لیے کافی ہے ؟ آپ (صلی اللہ علیہ وآلہ وسلم) نے فرمایا : نہیں یہ تو فقط پروردگار کی خوشنودی کے لیے ہیں۔ اور تمارے فائدے کے لیے یہ دعائیں ہیں تب اس نے دونوں مٹھیاں بند کرکے پوچھا : ان دونوں چیزوں کو زندگی سے وابستہ کرلوں ؟ تو آپ (صلی اللہ علیہ وآلہ وسلم) نے فرمایا : ہاں اور اس طرح تم دونوں ہاتھوں میں خیر بھر لوگے۔