Kanz al-Ummal: Hadith 4917

4917: ۔۔ (مرسل عروہ (رح)) حضرت عروہ (رح) سے مروی ہے کہ نبی اکرم (صلی اللہ علیہ وآلہ وسلم) ایک دیہاتی قوم کے پاس سے گذرے، جو اسلام لا چکے تھے۔ اور لشکریوں نے ان کے علاقوں کو تہہ وبالا کردیا۔ پس رسول اللہ (صلی اللہ علیہ وآلہ وسلم) نے اپنے دونوں ہاتھ چہرے کے سامنے خوب پھیلا کر ان کے لیے دعا کی ایک دیہاتی نے عرض کیا : یا رسول اللہ آپ پر میرے ماں باپ قربان ہوں اور پھیلائیے۔ چنانچہ رسول اللہ (صلی اللہ علیہ وآلہ وسلم) نے ہاتھوں کو چہرے کے سامنے (آخر تک) پھیلا دیا اور آسمان کی طرف بلند نہیں کیا۔ مصنف عبدالرزاق۔