Kanz al-Ummal: Hadith 4955

4955: ۔۔ حضرت علی (رض) سے مروی ہے کہ انھوں نے نبی کریم (صلی اللہ علیہ وآلہ وسلم) کو فرماتے ہوئے سنا :
جس کو اس بات کی خواہش ہو کہ اس کی عمر لمبی ہو، اس کے دشمنوں پر اس کی مدد ہو۔ اس کے رزق میں وسعت ہو اور بری موت سے اس کی حفاظت ہو تو وہ شخص یہ دعا صبح و شام تین تین بار پڑھا کرے :
سبحان اللہ ملء الميزان ومنتهى العلم ، ومبلغ الرضا ، وزنة العرش ، ولا إله الا اللہ ملء الميزان ومنتهى العلم ، ومبلغ الرضا ، وزنة العرش ، والله أكبر ملء الميزانومنتهى العلم ، ومبلغ الرضا وزنة العرش ۔
میں سبحان اللہ کہتا ہوں میزان بھر کر، خدا کے علم کی انتہاء تک، خدا کی رضا، حاصل ہونے تک اور عرش کے وزن تک میں۔ لا الہ الا اللہ کہتا ہوں میزان بھر کر، علم کی انتہاء کے بقدر، خدا کی رضاء کے حصول تک اور عرش کے وزن کے برابر۔ اور اللہ اکبر کہتا ہوں میزان بھر کر، علم کی انتہاء کے بقدر، رضاء حاصل ہونے تک اور عرش کے وزن کے برابر۔ الدیلمی، نظام الدین المسعودی فی الاربعین۔
کلام : ۔۔۔ ضعیف روایت ہے دیکھیے۔ تذکرۃ الموضوعات 58، التنزیہ 2/ 33، ذیل اللآلی 153 ۔