Kanz al-Ummal: Hadith 4968

4968: ۔۔ صلہ بن زفر سے مروی ہے کہ میں نے حضرت ابن عمر (رض) کو ہر نماز کے بعد یہ پڑھتے دیکھا :
اللھم انت السلام و منک السلام تبارکت وتعالیت یا ذالجلال والاکرام۔
صلہ (رح) فرماتے ہیں : پھر میں نے عبداللہ بن عمرو (رض) کے پہلو میں نماز پڑھی ان کو بھی (نماز کے بعد) یہی کہتے سنا۔ میں نے ان سے عرض کیا : میں نے ابن عمر (رض) کو بھی یہی کلمات پڑھتے سنا ہے جو آپ پڑھتے ہیں۔ حضرت عبداللہ بن عمرو (رض) نے فرمایا : میں نے رسول اللہ (صلی اللہ علیہ وآلہ وسلم) کو بھی اپنی نماز کے آخر میں (سلام کے بعد) یہ کلمات پڑھتے سنا ہے۔ مصنف ابن ابی شیبہ۔