Kanz al-Ummal: Hadith 5000

5000: ۔۔ دیلمی (رح) فرماتے ہیں : ہمیں شیخ حافظ ابو جعفر محمد بن حسن بن محمد نے بیان کیا اور فرمایا کہ میں نے اس کو آزمایا اور اسی طرح پایا ہمیں سلمہ محمد بن الحسین نے خبر دی اور فرمایا : میں نے اس کو آزمایا اور یونہی پایا، ہمیں عمر بن حفص نے خبر دی اور فرمایا میں نے اس کو آزمایا اور یونہی پایا، مجھے میرے والد حفص نے خبر دی اور فرمایا میں نے اس کو آزمایا اور یونہی پایا، ہمیں جعفر بن محمد نے خبر دی اور فرمایا کہ میں نے اس کو آزمایا اور یونہی پایا مجھے میرے والد حسین (رض) نے بیان کیا اور فرمایا کہ میں نے اس کو آزمایا اور یونہی پایا ہمیں علی بن ابی طالب نے بیان کیا اور فرمایا میں نے اس کو آزمایا اور یونہی پایا مجھے نبی کریم (صلی اللہ علیہ وآلہ وسلم) نے رنجیدہ خاطر دیکھا تو فرمایا اے ابن ابی طالب میں تجھے رنجیدہ دیکھتا ہوں اپنے کسی گھر الے کو کہہ کہ وہ تیرے کان میں اذان کہہ دے یہ غم کی دوا ہے۔ روا ہ الدیلمی۔