Kanz al-Ummal: Hadith 5016

5016: ۔۔ (درمک بن عمرو عن ابی اسحاق عن البراء) حضرت براء (رض) فرماتے ہیں ایک شخص رسول اکرم (صلی اللہ علیہ وآلہ وسلم) کی خدمت میں آیا اور اپنی وحشت (اور تنہائی کا شکوہ کیا۔ حضور (صلی اللہ علیہ وآلہ وسلم) نے اس کو یہ وظیفہ زیادہ پڑھنے کی تلقین فرمائی :
سبحان الملک المقدوس رب الملائکۃ والروح، جللت السموات والارض بالعزۃ والجبروت۔
پاک ہے بادشاہ برکت والا جو ملائکہ اور روح الامین (جبرئیل (علیہ السلام)) کا رب ہے۔ (اے اللہ بیشک تو) نے آسمانوں اور زمین کو اپنی عزت و طاقت کے ساتھ عظمت بخشی۔
اس آدمی نے یہ کلمات کہے تو اس کی وحشت دور ہوگئی۔ (ابن السنی، الاوسط للطبرانی، الخرائطی فی مکارم الاخلاق، ابن شاہین، ابو نعیم، ابن عساکر)
کلام : ۔۔۔ المغنی میں ہے درمک بن عمرو کی ابو اسحاق سے ایک ہی روایت ہے اور وہ اس میں متفرد ہے۔ میزان میں ہے کہ درمک بن عمرو ابو اسحاق سے منکر خبر کو تفردا روایت کرتا ہے۔ ابو حاتم (رح) فرماتے ہیں (درمک) مجہود ہے۔ علامہ عقیلی (رح) فرماتے ہیں ان کی حدیث کا کوئی تابع (مثال) نہیں ملتی۔ امام طبرانی فرماتے ہیں : درمک اسی روایت کے ساتھ معروف ہے۔ ابن شاہین (رح) فرماتے ہیں : یہ روایت حسن غریب ہے۔ میزان الاعتدال 2/26 بحوالہ کنز ج 2 ص 663