Kanz al-Ummal: Hadith 5086

5086: ۔۔ حضرت عمار بن یاسر (رض) کے متعلق مروی ہے کہ ایک مرتبہ انھوں نے ہلکی سی نماز پڑھی اور فرمایا : میں نے اس نماز میں ایک دعا مانگی تھی جو نبی اکرم (صلی اللہ علیہ وآلہ وسلم) مانگا کرتے تھے :
اللهم بعلمک الغيب وقدرتک علی الخلق أحيني ما کانت الحياة خيرا لي ، وتوفني إذا کانت الوفاة خيرا لي ، وأسألک خشيتک في الغيب والشهادة وکلمة الاخلاص في الرضا والغضب ، وأسألک نعيما لا ينفد ، وقرة عين لا تنقطع ، وأسألک الرضا بالقضاء ، وبرد العيش بعد الموت ، ولذة النظر إلى وجهك والشوق إلى لقائك . وأعوذ بک من ضراء مضرة وفتنة مضلة ، اللهم زينا بزينة الايمان ، واجعلنا هداة مهتدين ۔
اے اللہ ! تو غیب کو بخوبی جانتا ہے اور مخلوق پر پوری قدرت رکھتا ہ ہے پس جب تک زندگی میرے لیے بہتر ہو مجھے زندہ رکھ : اور مجھے وفات دیدے جب میرے لیے وفات پانا بہتر ہو۔ اور میں تجھ سے غیب اور حضوری میں تیری خشیت کا سوال کرتا ہوں۔ اور خوشی و غصہ ہر حال میں سچی بات کا سوال کرتا ہوں۔ میں تجھ سے سوال کرتا ہوں ایسی نعمت کا جو ختم نہ ہو، آنکھ کی ایسی ٹھنڈک کا جو منقطع نہ ہو، تیرے فیصلے پر رضاء قلبی کا، موت کے بعد اچھی زندگی کا، تیرے چہرے کو دیکھنے کی لذت کا، تیری ملاقات کے شوق کا، اور میں تیری پناہ مانگتا ہوں تکلیف دہ نقصان سے اور گمراہ کن فتنے سے، اے اللہ ! ہم کو ایمان کی زینت کے ساتھ مزین کر، اور ہم کو ہادی و ہدایت یافتہ بنا دے۔ رواہ ابن النجار۔