Kanz al-Ummal: Hadith 548

548 ۔۔ آدم (علیہ السلام) اور موسی کا باہم مناظرہ ہوا۔ موسیٰ نے فرمایا آپ ہی وہ برگزیدہ شخص ہیں جن کو اللہ نے اپنے دست قدرت سے پیدا فرمایا ہے اور پھر روح پھونکی اور آپ کو ملائکہ سے سجدہ کروایا، اور جنت میں سکونت بخشی پھر آپ نے اپنے گناہ کی بدولت ہم کو اور اپنے آپ کو جنت سے نکلوایا اور ان کو اس سے محروم کردیا۔ آدم نے فرمایا اے موسیٰ کیا تم وہی ہو۔۔ جن کو اللہ نے اپنی رسالت کے لیے منتخب فرمایا اپنے ساتھ کلام کے لیے چنا، اور آپ پر توراۃ نازل فرمائی اور اس کے باوجود آپ مجھے اس بات پر ملامت کر تیہ و جو اللہ نے میری قسمت میں میری پیدائش سے پہلے لکھ دی تھی ؟ بالاآخر آدم موسیٰ پر غالب آگئے۔ مسنداحمد، بخاری مسلم، ابوداؤد، ابن ماجہ، بروایت ابوہریرہ۔