Kanz al-Ummal: Hadith 5565

٥٥٦٥۔۔۔ کیا میں تمہیں ایسے لوگ نہ بتاؤں جو نہ انبیاء ہیں اور نہ شہداء ؟ (پھر بھی) انبیاء اور شہدا ان پر رشک کھائیں گے، ان کے ان مقامات کی وجہ سے جو اللہ تعالیٰ کی طرف سے انھیں عطا ہوں گے ، جو نور سے ہوں گے ان پر وہ بلند کیے جائیں گے ؟ وہ لوگ ہیں جو اللہ تعالیٰ کے بندوں کو اللہ تعالیٰ کا محبوب بنائیں گے، اور اللہ تعالیٰ کو اس کے بندوں کا محبوب بناتے ہیں وہ زمین میں خیر خواہی کی غرض سے چلتے ہیں کسی نے کہا : اللہ تعالیٰ کے بندوں کو اللہ تعالیٰ کا کیسے محبوب بناتے ہیں ؟ فرمایا : انھیں ایسے کاموں کا حکم دیتے ہیں جنہیں اللہ تعالیٰ پسند کرتا ہے اور ایسے امور سے روکتے ہیں جنہیں اللہ تعالیٰ پسند کرتا ہے اور ایسے امور سے روکتے ہیں جنہیں اللہ تعالیٰ ناپسند کرتا ہے، سو جب وہ ان کی اطاعت کرتے ہیں تو اللہ تعالیٰ انھیں محبوب بنا لیتا ہے۔ (بیہقی فی شعب الایمان وابو سعید النقاش فی معجمہ وابن النجار عن انس)
تشریح :۔۔۔ انبیاء و شہداء کا رشک کرنا اس معنی میں ہے کہ کاش ہمیں نبوت و شہادت کی نعمت کے ساتھ ساتھ یہ نعمت بھی مل جاتی، جیسے کوئی عالم دین کسی خوش آواز شخص کو دیکھے جو مسجد نبوی (صلی اللہ علیہ وآلہ وسلم) کا موذن ہو تو اسے جو رشک آئے گا وہ بھی اسی طرح کا ہے جیسا انبیاء و شہداء کو ہوا، دیکھیں ” فطرتی اور نفسیاتی باتیں “ مطبوعہ نور محمد کتب خانہ آرام باغ کراچی۔