Kanz al-Ummal: Hadith 5921

٥٩٢١۔۔۔ مومن کے لیے مناسب ہے کہ وہ غم کی حالت میں شام گزارے اگرچہ وہ نیکی کرنے والا ہو، اس واسطے کہ وہ دو خوفوں کے درمیان ہے، ایک وہ گناہ جو اس سے پہلے صادر ہوا، اسے معلوم نہیں اللہ تعالیٰ اس کے متعلق کیا فیصلہ فرماتا ہے اور اس کی باقی ماندہ عمر میں کتنے مصائب اس پر آئیں گے اس کا اسے علم نہیں۔ (الدیلمی عن ابی امامہ الحدیث بطولہ، ابن عساکر عن ابی امامہ
تشریح :۔۔۔ مقصود یہ ہے کہ خوف بھی ہو اور نا امیدی بھی نہ ہو بلکہ خوف کے ساتھ ساتھ امید بھی ہو۔