Kanz al-Ummal: Hadith 5923

٥٩٢٣۔۔۔ تمہیں کیا معلوم اللہ تعالیٰ نے اس کا اکرام کیا ہے ؟ اسے تو موت آگئی (لیکن) میں اللہ تعالیٰ سے اس کے لیے خیر کی امید رکھتا ہوں، اللہ کی قسم ! مجھے معلوم نہیں کہ جبکہ میں اللہ تعالیٰ کا رسول ہوں میرے ساتھ کیا ہوگا ؟ (مسند احمد، بخاری عن ام العلاء)
تشریح :۔۔۔ رسول اللہ (صلی اللہ علیہ وآلہ وسلم) کے رضاعی بھائی عثمان بن مظعون اور حضرت عبداللہ بن عمر اور حفصہ بنت عمر کے ماموں کی فوتگی پر آپ تشریف لائے تو وہاں ام العلاء انصاریہ موجود تھیں، انھوں نے حضرت عثمان بن مظعون کے بارے ایسے کلمات کہے جس سے ان کا جنتی ہونا یقینی لگ رہا تھا، آپ نے فرمایا : کسی کے بارے کیا فیصلہ ہوا، کچھ کہا نہیں جاسکتا ؟ بہرکیف اللہ تعالیٰ سے خیر کی امید ہے تاکید کے طور پر آپ نے فرمایا : مجھے بھی اپنے انجام کی خبر نہیں، یاد رکھیں بعض ملحد اور بےدین لوگ اس روایت لے کر بہت اچھلتے کودتے ہیں کہ نبی کو جب اپنے انجام کی خبر نہیں تو انھیں اپنی شریعت پر گویا یقین نہ تھا، اس کا ازالہ یہ ہے کہ انبیاء کو اس بات کا پختہ یقین تھا کہ ہم نجات پائیں گے لیکن خدا تعالیٰ کے سامنے جو پیشی اور پوچھ گچھ کی منازل ہیں ان کا پتہ نہیں کیا کیا ہوگا۔