Kanz al-Ummal: Hadith 6004

٦٠٠٤۔۔۔ لڑکا جب یتیم ہو تو اس کے سر پر اس طرح (چٹیا پر) ہاتھ آگے کی طرف پھیرا کرو ، اور اگر اس کا باپ (زندہ) ہو تو (پیشانی پر) آگے سے پیچھے (ہاتھ) پھیرا کرو۔ (طبرانی فی الاوسط عن ابن عباس)
تشریح :۔۔۔ یہ گویا کنایہ ہے کہ جو شخص کسی صدمے سے روتا ہے اس کے آنسو روکنے کے لیے اس طرح تسلی دی جاتی ہے کیونکہ اس کے آنسو تھمتے نہیں، اور غمزدہ انسان کی آنکھیں ادھر نہیں دیکھتیں اور انھیں گویا اس طرح بند کیا جاتا ہے اور خوشی و انبساط کی حالت میں بچہ کو ہوشیار کرنا مقصود ہوتا ہے اور اس کے لیے آنکھیں کھلی رکھنا ضروری ہیں اور آپ دیکھتے ہیں کہ آنکھوں کو بند کرنے کے لیے اوپر سے نیچے ہاتھ پھیرا جاتا ہے اور کھولنے کے لیے نیچے سے اوپر واللہ اعلم۔